3D prınterler medısınalyq tehnıka retinde tirkelýi mindetti
Densaýlyq saqtaý mınıstrligi otandyq medısınada 3D prınterlerdi tirkep, qoldanýdy josparlap otyr. Bul týraly Densaýlyq saqtaý vıse-mınıstri Beıbit Esenbaev málim etti, dep habarlaıdy Almaty-akshamy.kz QazAqparatqa silteme jasap.
«Otandyq medısına salasynda 3D prınterler qoldanylady. Biraq, onyń belgili bir talaptary bar. Birinshiden 3D prınterler medısınalyq tehnıka retinde tirkelýi mindetti. Óıtkeni, 3D prınterde basyp shyǵarylatyn medısınalyq buıymdar belgili sharttarǵa saı bolýy kerek. Ekinshiden, elimizde áli kúnge deıin birde-bir 3D prınter medısınalyq tehnıka retinde tirkelmegen», – dedi Beıbit Esenbaev ortalyq komýnıkasıalar qyzmeti alańynda ótken baspasóz máslıhatynda.
Vıse-mınıstrdiń aıtýynsha, otandyq medısınada 3D prınterlerdi tirkeý josparda bar.
«Ózderińiz biletindeı, qazir travmatologıa ortalyǵynda jańa blog salynyp jatyr. Jańa blogta 3D prınterlerdi ornatýdy boljap otyrmyz. Degenmen qaıtalaǵym keledi, 3D prınterlerdi qoldaný úshin ol medısınalyq tehnıka retinde tıisti prosedýralardan ótip, tirkelýi tıis. Sodan keıin ǵana qoldanysqa ruqsat», - deıdi ol.
Buǵan deıin Beıbit Esenbaev densaýlyq saqtaý salasyna «Ericsson Nikola Tesla» platformasynyń engizilmeý sebebin túsindirgen edi.