Óskemen qalasynda 57 jastaǵy er adamnyń ólimine qatysty kúdikti qolǵa tústi, dep habarlaıdy Aqshamnews.kz tilshisi.
Shyǵys Qazaqstan oblystyq Polısıa departamentiniń málimetinshe, 4 qarashada qaladaǵy úılerdiń biriniń aýlasynan 57 jastaǵy er adamnyń denesi tabylǵany jóninde polısıaǵa habar túsken.
"İzin sýytpaı júrgizilgen jedel is-sharalar nátıjesinde kúdikti anyqtalyp, ustaldy. Qazir ol ýaqytsha ustaý ızolátoryna qamaldy. Atalǵan fakti boıynsha QR QK-niń 99-baby (Adam óltirý) boıynsha qylmystyq is qozǵaldy", – dep habarlady departament.
Aldyn ala boljam boıynsha, qylmys turmystyq janjal saldarynan bolǵan. Qazir oqıǵanyń barlyq mán-jaıyn anyqtaý úshin tergeý amaldary júrgizilip jatyr.