Qarjy saılaý komısıalary músheleriniń jumysqa naqty kirisý esebinen únemdelgen.
QR Ortalyq saılaý komısıasy 2022 jylǵy 5 maýsymda Qazaqstan Respýblıkasynyń Konstıtýsıasyna ózgerister men tolyqtyrýlar engizý boıynsha respýblıkalyq referendým ótkizýge buryn bólingen 16,5 mlrd teńgeniń 1,6 mlrd teńgesin respýblıkalyq búdjetke qaıtardy, dep habarlaıdy Almaty-akshamy.kz Zakon.kz-ke silteme jasap.
Qazaqstan Respýblıkasy Ortalyq saılaý komısıasynyń saıtyndaǵy habarlamada atap ótilgendeı, qarjy memlekettik satyp alýdy ońtaılandyrý jáne saılaý komısıalary músheleriniń jumysqa naqty kirisý esebinen únemdelgen.
Qazaqstanda 5 maýsymda el Konstıtýsıasyna ózgerister men tolyqtyrýlar engizý boıynsha respýblıkalyq referendým ótti.
7 maýsymda referendýmnyń qorytyndysy jarıalandy. Referendýmnyń ortalyq komısıasynyń málimeti boıynsha, daýys berýge barlyǵy 7 985 769 qazaqstandyq nemese 68,05% qatysty. Daýys berý saǵat 07:00-den 20:00-ge deıin jalǵasty.
8 maýsymda «Qazaqstan Respýblıkasynyń Konstıtýsıasyna ózgerister men tolyqtyrýlar engizý týraly» Qazaqstan Respýblıkasynyń zańy kúshine endi.