Arnaıy qaýly qabyldandy.
Ortalyq saılaý komısıasy 5 maýsymda ótetin respýblıkalyq referendým komısıalarynyń qyzmeti týraly qaýly qabyldady, dep habarlaıdy Almaty-akshamy.kz QazAqparatqa silteme jasap.
Ortalyq referendým komısıasy tóraǵasynyń orynbasary Konstantın Petrov respýblıkalyq referendýmǵa daıyndyq pen ony ótkizý tártibin 1995 jylǵy 2 qarashadaǵy «Respýblıkalyq referendým týraly» Konstıtýsıalyq Zań aıqyndaıtynyn atap ótti.
Konstıtýsıalyq Zańnyń 20-babyna sáıkes, referendýmǵa daıyndyq pen ony ótkizýdi Ortalyq referendým komısıasynyń qyzmetin atqaratyn QR Ortalyq saılaý komısıasy jáne aýmaqtyq referendým komısıalarynyń qyzmetin atqaratyn aýmaqtyq saılaý komısıalary jáne ýchaskelik referendým komısıalarynyń qyzmetin atqaratyn ýchaskelik saılaý komısıalary júrgizedi.
Otyrysta respýblıkalyq referendýmdy daıyndaý men ótkizý jónindegi negizgi is-sharalardyń kúntizbelik jospary jobasy shyǵaryldy.
Osylaısha aýmaqtyq jáne ýchaskelik referendým komısıalarynyń quramy, komısıalardyń ornalasqan jeri men jumys ýaqyty týraly málimetter buqaralyq aqparat quraldarynda – 2022 jylǵy 15 mamyrdan keshiktirilmeı jarıalanýǵa tıis.
Referendým ýchaskeleriniń aýmaǵy týraly habarlamalar da osy ýaqytta BAQ-ta jarıalanýy kerek.
«Úgitteý jumystary referendým taǵaıyndalǵannan sátte bastalyp, daýys berýdiń aıaqtalýyna bir kún qalǵanda, ıaǵnı 2022 jyly 4 maýsymda saǵat 00-00-de aıaqtalady. Respýblıkalyq referendýmǵa qatysýǵa quqyǵy bar azamattardyń tizimine árbir ýchaske boıynsha ákim qol qoıady jáne hattama boıynsha bul tizim 2022 jylǵy 15 mamyrdan keshiktirmeı usynylady», - dedi Konstantın Petrov Ortalyq saılaý komısıasynda ótken otyrysta.
Ýchaskelik referendým komısıasy daýys berý ýaqyty men mekenjaıy týraly azamattardy 2022 jylǵy 25 mamyrdan keshiktirmeı habardar etedi.
Eger daýys berýdiń ózge ýaqyty belgilenbese, ýchaskelik komısıalar daýys berý kúni jergilikti ýaqyt boıynsha saǵat 07:00-den 20:00-ge deıin referendým ótkizedi.
Daýys berý qorytyndysy Ortalyq referendým komısıasynyń otyrysynda shyǵarylady jáne hattamamen rásimdeledi.
Oǵan Ortalyq referendým komısıasynyń tóraǵasy, tóraǵanyń orynbasary, hatshysy men músheleri qol qoıady jáne qaýlymen bekitiledi.