Endi Mádenıet mınıstrligi Ulttyq Sýrdlımpıada komıtetin sotqa bermek
Sebebi, olar Brazılıada ótip jatqan Sýrdlımpıada oıyndaryna aparatyn sportshylar tizimin aldyn ala kelispegen. Jalpy, jarysqa 29 sportshy qatysyp jatyr, dep habarlaıdy Almaty-akshamy.kz.
Daýdyń basy Erkebulan Qanafın jeńip alǵan altyn medaldan bastaldy. Sýrdlımpıada komıteti Qazaqstan zańnamasyna qaramastan, óz tarapynan birqatar sportshylardy, onyń ishinde Erkebulan Qanafındi jarysqa aparǵan. Biraq Brazılıadaǵy saraptama onyń estý qabiletinde kinárat joq ekenin anyqtaǵan.
Ol buryn-sońdy estý qabileti buzylǵan sportshylar arasyndaǵy resmı jarystarǵa qatyspaǵan. Ulttyq qurama komandasynyń múshesi emes jáne dene múmkindikteri shekteýli jandarǵa arnalǵan sport uıymdarynda tirkelmegen. Mınıstrlikte aýdıogramma nátıjeleri jáne jalpy sportshynyń densaýlyq jaǵdaıy týraly aqparat joq. Osyǵan qaramastan, Ulttyq Sýrdlımpıada komıteti sportshyny óz esebinen jarysqa jiberip, Qazaqstannyń bedeline álemdik sport qoǵamdastyǵynyń aldynda nuqsan keltirdi, - deıdi mınıstrlik ókilderi.