Almaty ákimi Erbolat Dosaev Ortalyq Azıadaǵy iri MyCar Kuldzhinka kópfýnksıonaldy avtoortalyǵynyń resmı ashylý rásimine qatysty.
Aýmaǵy 30 myń sh.m avtoortalyqta bir mezgilde 700 júrilgen avtokólik jáne resmı dılerlik ortalyqtardan - BMW, Changan, Chery, Haval jáne Hyundai jańa 50 avtomobıl usynylýy múmkin. Sonymen qatar, avtoortalyqtyń janyndaǵy ashyq alańda taǵy 800 avtokólik qoıylady.
MyCar Kuldzhinka avtoortalyǵy - bul saýda oıyn-saýyq ortalyqtaryn basqarýdaǵy jáne avtomobıl rıteılindegi ınvestordyń tájirıbesin biriktiretin jańa konsept.
Avtoortalyqtyń ekojúıesi klıentterge “bir tereze qaǵıdaty boıynsha" jańa avtokólik, sonymen qatar, kez-kelgen baǵada zańdy jáne tehnıkalyq tekserýden ótken júrilgen avtokólik satyp alýǵa, ony esepke qoıýǵa jáne memlekettik nómir alýǵa múmkindik beredi. Avtoortalyqtyń mámileniń zańdylyǵyna jáne jasyryn aqaýlardyń bolmaýyna kepildik berýi avtoshopıngtiń bul tásili avtokólikti qoldan satyp alýdyń tıimdiligin arttyrady.
Almatyda óńirdegi iri kópfýnksıonaldy avtoortalyqtyń ashylýy avtomobılderdiń qaıtalama naryǵynyń ashyqtyǵyn arttyrýǵa, ekonomıkanyń osy sektoryn kóleńkeden shyǵarýǵa yqpal etedi, sonymen birge satýshylar men satyp alýshylar úshin mámileler júrgizýdiń qaýipsizdigin qamtamasyz etedi dep kútilýde.
Avtoortalyq bir mezette kúnine 500 klıentke deıin qyzmet kórsete alady, áleýetti satý kólemi - jylyna 18 000 avtokólik.
Avtoortalyqtyń qurylysyna ınvestısıa 21 mlrd teńgeni jumsaldy, onda 600-den astam adam jumys ornymen qamtyldy.