Indonezıanyń Batys Kalımantan provınsıasyndaǵy altyn kenishinde kóshkin júrip, 20 jumysshy jer astynda qalyp qoıdy. Bul týraly Indonezıanyń qutqarý qyzmetiniń ókili Erık Sýbaránto aıtty, dep habarlaıdy Almaty-akshamy.kz Inform.kz-ke silteme jasap.
Oqıǵa beısenbi kúni bolǵan, biraq qutqarýshylar bul týraly bir kúnnen keıin ǵana bilgen.
«Bizge juma kúni keshke aqparat kelip, dereý oqıǵa ornyna qutqarý qyzmetin jiberdik», - dedi E.Sýbaránto.
«Jaýyn-shashynnyń kóp túsýine, shahtanyń shalǵaı ornalasýyna jáne komýnıkasıanyń nasharlyǵyna baılanysty qutqarý jumystary baıaý júrip jatyr. Shahta aımaǵyndaǵy jumystarǵa áskerıler, jergilikti tótenshe jaǵdaılar basqarmasynyń qyzmetkerleri men aýyl turǵyndary da jumyldyrylǵan», - dedi E. Sýbaránto.