Memleket basshysynyń tapsyrmasy boıynsha Astana qalasyndaǵy kóshelerdiń birine Asqar Zabıkýlınniń esimi berilip, bústi ornatylady. Memleket basshysy Qasym-Jomart Toqaev qyzmettik boryshyn atqarý kezinde aýyr jaraqat alyp, aýrýhanada kóz jumǵan Asqar Serikuly Zabıkýlınniń otbasyna kóńil aıtty, dep jazady Almaty-akshamy.kz Inbusiness.kz-ke silteme jasap.
"Asqar Serikuly tótenshe jaǵdaılar salasynda eńbek etip, elimizge adal qyzmet etýdiń úlgisin kórsete bilgen azamat edi. Astanadaǵy kóp qabatty úıde bolǵan órt kezinde oqıǵa ornyna shuǵyl jetip, birneshe adamnyń ómirin saqtap qaldy. Osy bir áreketi arqyly ol Otan aldyndaǵy azamattyq antyna berik ekenin jáne janqıarlyq erligin kórsetti. Onyń esimi men jarqyn beınesi halqymyzdyń júreginde saqtalady. Marqumnyń jany jánnatta, ımany salamat bolsyn", – dep jazylǵan jedelhatta.
Sondaı-aq Memleket basshysynyń tapsyrmasy boıynsha erjúrek órt sóndirýshiniń esimin máńgi este saqtaý maqsatynda Astana qalasyndaǵy kóshelerdiń birine Asqar Zabıkýlınniń esimi berilip, bústi ornatylady.
Astana qalasy Tótenshe jaǵdaılar departamenti órt sóndirý jáne avarıalyq-qutqarý jumystary qyzmeti jedel kezekshisiniń kómekshisi Asqar Zabıkýlın, órt sóndirý kezinde alǵan aýyr jaraqattan 20 qarasha kúni aýrýhanada kóz jumǵan bolatyn. Onyń artynda jubaıy men eki balasy qaldy.