25 aqpan kúni saǵat 02:49-da Almaty oblysynyń Tótenshe jaǵdaılar departamentine Raıymbek aýyldyq okrýgindegi saıajaı qoǵamdastyǵynyń turǵyn úıinde órt shyqqany týraly habarlama tústi. Oqıǵa ornynda qutqarýshylar úı ıesiniń denesin tapty.
Tótenshe jaǵdaılar mınıstrligi baspasóz qyzmetiniń málimetinshe, órt saldarynan 68 sharshy metr aýmaq bolatyn tóbe opyrylǵan.
"Saǵat 04:00-de órt lokalızasıalanyp, 05:03-te sóndirildi. Órt ornynan úı ıesiniń máıiti tabyldy", - delingen Tótenshe jaǵdaılar mınıstrliginiń habarlamasynda.
Mamandardyń aldyn ala baǵalaýy boıynsha, órt elektr toǵynyń qysqa tuıyqtalýynan shyqqan. Órtti sóndirýge 20 qyzmetker men 6 tótenshe jaǵdaı qyzmeti, polısıa jáne jedel járdem tehnıkasy jumyldyryldy.