Elimizde sáýir aıynda dúnıege kelgen uldarǵa Ramazan, al qyzdarǵa Medına esimi eń kóp qoıylǵan.
Bul derekti QR Strategıalyq josparlaý jáne reformalar agenttiginiń Ulttyq statısıka búrosy jarıalady, dep habarlaıdy Almaty-akshamy.kz QazAqparatqa silteme jasap.
Atap aıtqanda, Ramazan esimdi 1085 ul dúnıege keldi. Ekinshi orynda suranysqa ıe bolǵan esim - Aısultan. Bul at 248 ulǵa qoıyldy. Tanymal úshtikke 174 adamnyń tańdaýymen Álıhan esimi enip tur.
Aıta ketsek, naýryz aıynda bul eń kóp qoıylǵan (284) at bolatyn. Sondaı-aq, sáýirde 141 qazaqstandyq balasyna Nurıslam esimin beripti. Bul esim naýryz aıynda da 4-orynda bolǵan.
Ol kezde 191 bala osy esimmen Qazaqstan azamaty atandy. Al, qyzdarǵa eń kóp qoıylǵan esim - Medına. Sáýirde 430 ata-ana osy atty tańdapty. Ekinshi orynda - Raıana, bul esim 383 ret qoıylǵan. 343 qyzǵa berilgen Aısha esimi keń taralǵan sanattaǵy úshtikke enip otyr.
Jalpy, ótken aıdaǵy statısıka nárestelerge negizinen musylmansha esimderdiń jıi qoıylǵanyn kórsetedi. Aıtalyq, Alı, Islam, Mýhammad, Mýslım, Dinmuhammed, Amına, Iasına, Fatıma sıaqty basqa da attar keń taralǵan. Eske sala ketsek, bıylǵy birinshi toqsanda MÁMS júıesi sheńberinde ekstrakorporaldyq uryqtandyrýdyń 835 rásimi oryndaldy.