Teńge ótken aıda 4,6%-ǵa nyǵaıdy.
Sáýir aıynda jahandyq qarjy naryǵyndaǵy belgisizdik pen qubylmalylyqqa qaramastan, 1 dollardyń quny 445,62 teńgege deıin nemese 4,6% nyǵaıdy, dep habarlaıdy Almaty-akshamy.kz.
«Sáýir aıynda shetel valútasyna suranystyń aıtarlyqtaı tómendegeni baıqaldy. Qazaqstan qor bırjasyndaǵy saýda-sattyqtyń jalpy kólemi 1,9 mlrd AQSH dollary bolǵan kezde saýda-sattyqtyń ortasha kúndik kólemi 179 mln AQSH dollarynan 92 mln AQSH dollaryna deıin tómendedi. Valúta naryǵyna kvazımemlekettik sektor sýbektileriniń valútalyq túsimdi satýy qoldaý kórsetti, olar ishki valúta naryǵynda shamamen 253,2 mln AQSH dollary boldy. Sáýir aıynda Ulttyq qordan respýblıkalyq búdjetke transfertterdi qamtamasyz etý úshin valúta satý 168,3 mln AQSH dollaryn qurady. Ulttyq qordan satý úlesi - saýda-sattyqtyń jalpy kóleminiń 8,7 paıyzy», - delingen Ulttyq banktiń resmı habarlamasynda.
İshki valúta naryǵynda ahýaldyń turaqtanýy aıasynda Ulttyq bank sáýirde valútalyq ıntervensıalardy, sondaı-aq BJZQ zeınetaqy aktıvteri men senimgerlik basqarýdaǵy basqa da qorlar úshin shetel valútasyn satyp alý nemese satý operasıalaryn júrgizgen joq.
Qysqa merzimdi perspektıvada teńgeniń qubylmalylyǵy geosaıası jaǵdaıdyń ózgerýine, ishki qatysýshylardyń kútýlerine jáne álemdik naryqtardaǵy ahýalǵa baılanysty bolady.
Ulttyq bank teńgerimsizdiktiń jınaqtalýyn boldyrmaıtyn jáne altyn-valúta rezervteriniń saqtalýyn qamtamasyz etetin ıkemdi baǵam belgileý rejımin ustanýdy jalǵastyrady.