Saryaǵash aýdandyq bilim bólimine qarasty №71 jalpy bilim beretin mektebi ulttyq tárbıe men qundylyqtardy oqýshylar arasynda nasıhattaýǵa erekshe kóńil bólýde. Mektep ujymy ulttyq oıyndardy qaıta jańǵyrtyp, balalardyń tárbıesine aıryqsha mán berip otyr, dep habarlaıdy aqshamnews.kz
Osy maqsatta mekteptiń ustazdary oqýshylardyń qońyraý ýaqytyn tıimdi ári qyzyqty ótkizý úshin erekshe bastama kóterdi. Olar asyq oınaý dástúrin engizip, ulttyq tárbıege negizdelgen oıyndardy úzilis kezinde balalarmen birlese oınaýdy usyndy. Bul ádis, bir jaǵynan, oqýshylardyń densaýlyǵyn nyǵaıtýǵa, ekinshi jaǵynan, ulttyq mádenıetke degen súıispenshilikti arttyrýǵa kómektesedi.
Mektep dırektory úzilis kezinde oqýshylarmen birge asyq oınap, balalarǵa ulttyq oıyndardyń mańyzy men olardyń tárbıelik máni týraly aıtady. Osylaısha, mektebimiz ulttyq qundylyqtardy jańǵyrtý, balalardy birlikke, yntymaqqa tárbıeleý maqsatynda aýqymdy jumystar atqaryp otyr.
Bul bastama oqýshylarǵa tek qana oıyn túrinde emes, rýhanı jaǵynan da tárbıe beredi, olar ulttyq oıyndar arqyly kóshpeli halyqtyń mádenıetin, tarıhyn tereńirek túsine bastaıdy.