Qazirgi ýaqytta, barlyq berilgen ótinishter 100% qamtyldy jáne komısıa olardy túgel qarady.
InfoKazakhstan elektrondyq platformasyna 1188 kásipkerden barlyǵy 1355 ótinish kelip tústi, dep habarlaıdy Almaty-akshamy.kz
Óńirlik komısıa májilisiniń qorytyndysy boıynsha, 5 286,5 mln. teńge somasyndaǵy 1139 ótinish, onyń ishinde, 4 194,6 mln. teńge somasyndaǵy 595 ótinish búdjet qarajattarynan, 1 091,9 mln. teńge somasyndaǵy 544 ótinish «Jańa Alataý» qorynyń qarajattarynan maquldandy.
Qalǵan 216 ótinish pysyqtaý úshin joldandy (120 ótinish boıynsha qujattardyń tolyq toptamasy usynylmady, 96 ótinish jeńildetilgen mehanızm sheńberinde ótem somasymen kelispeýine baılanysty sot saraptamasyna joldandy).
Zardap shekken bıznesti tolyq qamtý jáne qala ekonomıkasyn jedel qalpyna keltirý maqsatynda komısıa «Qoldaý» kásipkerlik ortalyǵynyń janynan keńes berý shtabyn qurdy.
Ótemi áli tólenbegen zardap shekken kásipkerler keńes alý úshin jumys kúnderi saǵat 09:00-den 18:00-ge deıin Almaty qalasy, Baızaqov kóshesi, 303, 101 kabınet mekenjaıy boıynsha júgine alady.
Óńirlik komısıanyń kelesi májilisi 2022 jylǵy 12, 15 jáne 18 naýryzǵa josparlanyp otyr.