Barlyq anyqtalǵan ınfeksıalardyń 86%-yn quraıdy.
Dúnıejúzilik densaýlyq saqtaý uıymynyń (DDSU) málimetteri boıynsha «Stels-Omıkron» nusqasy qazir barlyq anyqtalǵan ınfeksıalardyń 86%-yn quraıdy, dep habarlaıdy Almaty-akshamy.kz COVID-19 taralýyna jol bermeý jónindegi vedomstvoaralyq komısıasyna silteme jasap.
«Biz jańa shtamm týraly barlyq belgili aqparatty jınaqtadyq. «Jasyryn omıkron» týraly ne bilý qajet:
Óte jyldam juǵady
COVID-19 vırýsynyń VA.2 túri buǵan deıingi BA.1 men BA.1.1 nusqalaryna qaraǵanda juqpaly bolyp keledi, alaıda qazirgi kezdegi nátıjeler jańa nusqanyń kúrdeliligi «Omıkronmen» birdeı ekenin kórsetti.
Vaksınanyń údetkish dozalary jańa shtamnan qorǵaıdy
«Omıkronnyń» basqa nusqalaryna sıaqty vaksınalardyń BA.2-ge qarsy tıimdiligi tómen. Alaıda Ulybrıtanıanyń Densaýlyq saqtaý qaýipsizdigi agenttiginiń málimetinshe, aǵzanyń qorǵanys deńgeıi údetkish vaksına arqyly qalpyna keledi. Bul ásirese aýrýhanaǵa jatqyzý jáne ólim jaǵdaılarynyń kórsetkishterinde aıqyn baıqalady. Vaksına alǵandardyń arasynda ólim-jitim men aýrýhanaǵa jatqandar az.
Aldyn alý sharalarynyń qajettiligi
Ǵalymdardyń aıtýynsha, jaqynda BA.2 aýrýynyń ósýi yqtımal. Óıtkeni aýrýdyń kúrt taraýy kóptegen elderdiń maska rejımin jáne basqa da antıkovıdtik sharalardy alyp tastaýymen qatar kelip otyr.
Halyqtyń osal toptaryn qorǵaý
BA.2 aýrýshańdyq kórsetkishi ósýiniń sebebi qandaı bolsa da zertteýshiler vırýstyń, ásirese vaksınasıalanbaǵan jáne halyqtyń basqa da osal toptaryna zıan tıgizetinine senimdi. Sondyqtan tıimdiligi dáleldengen preparattarmen ekpe alý koronavırýstyń jańa tolqyny qarsańynda óte mańyzdy.