Shet elderde "omıkron" shtamynyń shyǵýyna baılanysty Almaty áýejaıynda kúsheıtilgen sanıtarlyq karantındik baqylaý engizildi, dep habarlaıdy Almaty-akshamy.kz
Bul týraly onlaın brıfıń barysynda Almaty qalasy sanıtarıalyq-epıdemıologıalyq baqylaý departamenti basshysynyń mindetin atqarýshy Sádýaqas Baıǵabylov málimdedi. Onyń aıtýynsha, shet elderden kelgen áýe jolaýshylaryna saýalnama júrgizý, termometrmen ólsheý sekildi sanıtarlyq karantındik baqylaýdan basqa, olar ózderimen birge PTR-synamasynyń nátıjesi men vaksına pasportyn ákeledi.
«3 qyrkúıekten bastap Almaty qalasyna "omıkron" shtamy shyqqan elderden 2678 áýe jolaýshysy keldi. Atap aıtqanda, olar Avstralıa, Belgıa, Ulybrıtanıa, Germanıa, Egıpet, Izraıl, Italıa, Kanada, Nıderlandy jáne Chehıadan keldi. Atalǵan elderden kelgen avıajolaýshylardyń 60% - Germanıadan kelgender. Joǵaryda atalǵan elderden Almatyǵa kelgen avıajolaýshylarda teris PTR nátıjesi boldy jáne olardyń arasynda koronavırýs ınfeksıasyn juqtyrǵandar bolǵan joq», – dedi Sádýaqas Baıǵabylov.