Almatyda ataqty sportshy, olımpıada chempıony Ermahan Ibraımov AES qurylysy boıynsha respýblıkalyq referendýmda daýys berdi. Sportshy Memlekettik qýyrshaq teatrynda ornalasqan №361 saılaý ýchaskesine kelip, óz tańdaýyn jasady.
«Referendýmǵa qatysý arqyly men ózimniń belsendi azamattyq ustanymymdy kórsetemin. Árbir qazaqstandyq bul máselede shet qalmaýy tıis dep sanaımyn», – dep atap ótti Ermahan Ibraımov.
Aıta keteıik, búgin Qazaqstanda AES salý boıynsha respýblıkalyq referendým ótip jatyr. Almaty ákimi Erbolat Dosaev jubaıymen birge №48 mektep-lıseıde ornalasqan №388 saılaý ýchaskesine alǵashqylardyń biri bolyp kelip, daýys berdi. Almaty turǵyndary óz ýchaskelerine baryp, saǵat 20:00-ge deıin daýys bere alady.