Dárigerler naýqastyń ómirin arashalap qaldy
Elordada ókpesi 100% zaqymdanǵan naýqas jazylyp shyqty, dep habarlaıdy Almaty-akshamy.kz QazAqparat saıtyna silteme jasap.
20 kún boıy reanımasıada bolǵan Asqat Otyzbaev dárigerlerdiń arqasynda dertinen aıyǵyp, úıine shyǵaryldy. Dárigerlerdiń sózinshe, naýqas aýrýhanaǵa 25 shilde kúni túsken.
«Búgin shyǵaryp jatqan naýqasymyz Asqat Otyzbaev 25 shildede aýrýhanamyzǵa kelip tústi. Úshinshi kúni tynys alýy qıyndap, jaǵdaıy nasharlap ketti. Sol kezde taǵy kompúter tomografıasyna túsirip tekserdik, ókpesi 100 paıyz zaqymdanyp ketken eken. Soǵan baılanysty ony reanımasıa bólimine aýystyrdyq. 20 kún boıy jansaqtaý bóliminde jatyp, jaǵdaıy jaqsarǵan soń búgin úıine shyǵaryp saldyq», - dedi №3 kópbeıindi qalalyq aýrýhanasynyń pýlmanolog-dárigeri Saparkúl Berdeshova-Ábildaeva.
Dárigerlerdiń aıtýynsha, Asqattyń jaǵdaıynyń tym nasharlap ketýine onyń vaksına almaǵany sebep bolǵan.