Aqmola oblystyq soty Makınsk qalasynyń 21 jastaǵy turǵynyn jolda qaýipti drıft jasaǵany úshin ákimshilik jaýapkershilikke tartty, dep habarlaıdy Aqshamnews.kz tilshisi.
Sot anyqtaǵandaı, oqıǵa qalanyń ortalyǵynda, kóktaıǵaq kezinde bolǵan. Jas júrgizýshi kóligin joǵary jyldamdyqpen aınaldyryp, «segizdik» salyp, qarsy jolaqqa shyǵyp, ózge júrgizýshilerdiń ómirine qaýip tóndirgen.
Kýágerlerdiń aıtýynsha, basqa kólik ıeleri jaǵdaıdyń qaýipti ekenin eskertý úshin dybystyq belgi berýge májbúr bolǵan. Jol erejesin buzǵan azamattyń áreketteri beınejazbalar arqyly dáleldengen.
Sotta ol kinásin tolyq moıyndap, óz is-áreketiniń jaýapsyz bolǵanyn moıyndady. Sot onyń kólik tizgindeý kezinde qaýip-qaterge jeńil qaraǵanyn jáne ádeıi apatty jaǵdaı týǵyzǵanyn eskerdi.
Nátıjesinde, quqyqbuzýshyǵa 5 táýlik ákimshilik qamaý jazasy taǵaıyndaldy. Sot sheshimi áli zańdy kúshine engen joq.