Jyl sońyna deıin taǵy eki mekteptiń qurylysy aıaqtalady.
Budan basqa eki mekteptiń qurylysyn salyp jatyr, kelesi jyly İİİ toqsanda paıdalanýǵa beriledi, dep habarlaıdy Almaty-akshamy.kz.
1) Oryn tapshylyǵyn azaıtý maqsatynda aýdanda 1 qyrkúıekke deıin 2 400 oryndyq eki mektep (ıaǵnı, "Qalqaman" shaǵynaýdanynda 1800 oryndyq № 206 mektep, "Qarǵaly" shaǵynaýdanynda 600 oryndyq «Zaman» jeke menshik mektebin) ashý josparlanǵan.
Jyl sońyna deıin taǵy 2 mekteptiń qurylysy aıaqtalady. Olar - «Alma sıtı - 5» aýmaǵyndaǵy 1 200 oryndyq (90%, qazanda aıaqtalady) jáne "Qalqaman" shaǵynaýdany, Abaı dańǵylyndaǵy 1 500 oryndyq (75%) mektepter.
Sonymen qatar, "Shuǵyla" shaǵynaýdanyndaǵy «Álem sıtı», «Alma sıtı - 4» turǵyn úı keshenderiniń aýmaǵynda Qazaq Stroy 1 200 oryndyq 2 mekteptiń qurylysyn salyp jatyr, kelesi jyly İİİ toqsanda paıdalanýǵa beriledi.
2) "Quramys" shaǵynaýdanyndaǵy 1 200 oryndyq, "Shuǵyla" shaǵynaýdanyndaǵy 1 600 oryndyq eki mekteptiń jobalaý-smetalyq qujattamasyn ázirleýge konkýrs jarıalaý úshin qujattar daıyndalýda. Qurylys 2023 jyldyń İİ toqsanyna josparlanǵan.
3) Sondaı-aq, "Shuǵyla" shaǵynaýdanyndaǵy № 174 mektepke 375 oryndyq qosymsha qurylys salý úshin jobalaý-smetalyq qujattama ázirlenýde. Bul jumysty aldymyzdaǵy jeltoqsan aıyna deıin aıaqtaý josparlanýda. Qurylys-montajdaý jumystaryn kelesi jyly İİ toqsanda bastaımyz.
4) Balabaqshadaǵy oryn tapshylyǵyn azaıtý maqsatynda "Shuǵyla" shaǵynaýdanynda 320 oryndyq balabaqsha qurylysy bastaldy 2023 jyldyń İİ toqsanynda aıaqtalady.
«Nurly Dala» keshenindegi 320 oryndyq balabaqsha boıynsha jobalaý-smetalyq qujattama ázirlendi .Qurylys-montajdaý jumystary 2023 jyly 2-shi toqsanda bastalady).
Budan basqa, 3 balabaqshanyń jobalaý-smetalyq qujattamasy boıynsha konkýrs jarıalaý úshin qujattar daıyndalyp jatyr.
"Qalqaman" shaǵynaýdany, Abaı dańǵylyndaǵy 240 oryndyq balabaqshanyń qujattamasy saraptamadan shamamen kelesi jyly tamyz aıynda shyǵady, qurylys-montajdaý jumystary endigi jyly İİİ toqsanda bastalady.
"Quramys" shaǵynaýdanyndaǵy 320 oryndyq balabaqsha boıynsha memlekettik saraptama qorytyndysy 2023 jyldyń maı aıyna josparlanǵan, qurylys-montajdaý jumystary 2023 jyldyń İİİ toqsanynda bastalady.
"Shuǵyla" shaǵyn aýdanyndaǵy 240 oryndyq balabaqshanyń saraptamasy jeltoqsan aıynda shyǵady. Qurylysy kelesi jyly İİ toqsanǵa josparlanyp otyr.