Eldegi sanıtarlyq-epıdemıologıalyq ahýal týraly Úkimet otyrysy ótti.
Qazaqstan Úkimetiniń jetekshisi otyrysta halyqty vaksınasıalaý jumysyn jalǵastyrýdy tapsyrdy, dep habarlaıdy Almaty-akshamy.kz QazAqparat saıtyna silteme jasap.
"Delta" shtamynyń taralýyna baılanysty óńirlerde epıdemıologıalyq jaǵdaı nasharlady. Respýblıka boıynsha naýqastaný aıtarlyqtaı kóbeıgen. Aýrýhanadaǵy oryndar sanynyń 56 paıyzy, al reanımasıalyq oryndardyń 44 paıyzy toldy", - dedi Asqar Mamın.
Úkimet basshysy pandemıadan shyǵýdyń jalǵyz joly – vaksınalaý ekenin eske saldy.
«Qazirgi ýaqytta 5,5 mln-ǵa jýyq adam vaksınanyń birinshi komponentin ektirdi jáne 4 mln-ǵa jýyq adam ekinshi komponentin aldy. Bul jumysty jalǵastyrý qajet», - dedi Premer-Mınıstr.
Buǵan deıin QR Densaýlyq saqtaý mınıstri Alekseı Soı Úkimet otyrysynda eldegi epıdemıologıalyq jaǵdaıdy baıandaǵan edi.
Qazaqstan Respýblıkasy 26 maýsymnan beri «qyzyl» aımaqta tur. Túrkistan oblysynan basqa óńirler túgel «qyzyl» aımaqta.