Jyl saıyn 1990 jyldan bastap tamyzdyń birinshi aptasynda Dúnıejúzilik omyraý sútimen qorektendirý aptalyǵy ótedi6 dep habarlaıdy almaty-akshamy.kz
Bala quqyqtary týraly Konvensıaǵa sáıkes, ár náreste jáne basqa jas toptary durys tamaqtanýǵa quqyly. Omyraý sútimen qorektendirý - Dúnıejúzilik densaýlyq saqtaý uıymynyń 170 el, onyń ishinde Qazaqstan qabyldaǵan baǵdarlamasy.
Omyraý sútimen qorektendirý - balanyń densaýlyǵy men ómir súrýin qamtamasyz etýdiń eń tıimdi ádisteriniń biri. Emshek súti-náresteler úshin tamasha taǵam. Ol qaýipsiz, zıansyz jáne kóptegen jalpy balalyq shaq aýrýlarynan qorǵaýǵa kómektesetin antıdenelerden turady.
Omyraý sútimen qorektenetin náresteler ıntellektýaldy túrde jaqsy damıdy, artyq salmaqtan az zardap shegedi jáne qant dıabetine beıim emes. Omyraý sútimen qorektendiretin áıelderde sút bezi men analyq bez qaterli isiginiń damý qaýpi de tómendeıdi.
Nárestelerdi týǵannan bastap 23 aıǵa deıin ońtaıly omyraý sútimen qorektendirý jyl saıyn búkil álem boıynsha 820 myń balany qutqarýǵa múmkindik beredi. Bizdiń Omyraý sútimen qorektendirýge úlken mán beriledi. Omyraý sútimen qorektendirý bul ananyń balamen emosıonaldy baılanysyn kúsheıtetin, balanyń psıhofızıkalyq damýyna jalpy qolaıly damýdy qamtamasyz etetin mańyzdy prosesterdiń biri.
Bolashaq analardy omyraý sútimen qorektendirýge daıyndaý áıeldiń júktilik kezeńinde onyń denesiniń fızıologıalyq ózgeristerin, balany keýdege salý tásilderin jáne tamaqtandyrýdyń jalpy erejelerin túsindirýden bastalady.
Búgingi tańda elimizde tek omyraý sútimen qorektendirýde 0-den 6 aıǵa deıingi 180 myń bala jáne 2 jasqa deıingi 568 myń bala qosymsha tamaqtandyrýmen jáne jalpy tamaqtanýmen birge omyraý sútimen qorektenedi.