«Zerdelidegi» toǵyz qabatty úıler 2012-2016 jyldardyń aralyǵynda salynǵan. Kóp uzamaı alǵashqy úıler syr bere bastady. Odan keıin ózge úıler de osylaı qısaıa bastady.
Mamandardyń zertteýinen keıin «Zerdelidegi» 30 úıdi kúsheıtý týraly sheshim qabyldanady. Búgingi kúni ǵımarattardyń irgetasy jóndelip, úıler túzetildi.
Qazaq Qurylys jáne sáýlet ǵylymı-zertteý jáne jobalaý ınstıtýtynyń mamandarynyń qorytyndysyna sáıkes kúsheıtilgen úıler paıdalanýǵa jaramdy. Qala ákimdigi de ǵımarattardyń qazirgi jaǵdaıy qanaǵattanarlyq dep, qurylys normalaryna saı ekenin rastap otyr.
- Búgingi tańda qurylys basqarmasy kópqabatty 30 úıdiń aldyn syrlap, aýmaqtaǵy abanttandyrý jumystaryn aıaqtady. Sonymen qatar 2022 jyldan aıaqtalmaı qalǵan eki turǵyn úı súrildi. Olardyń ornyna saıabaq ashý josparlanyp otyr, - deıdi qalalyq qurylys basqarmasy jetekshisiniń orynbasary Aıdar Nurǵojaev.