Jalpy 1000 adamdy kásiptik oqytýǵa jiberý josparlanýda. Onyń ishinde: bilim berý uıymdarynda kásiptik oqytýǵa 687 adam joldansa, jumysy joq 313 adamdy jumys berýshilerdiń jumys ornyna kásiptik oqytýǵa jiberý josparlanýda. Bul týraly Óńirlik komýnıkasıalar qyzmetiniń alańynda Almaty qalasy mansap ortalyǵynyń basshysy Ádilet Jańabaev aıtty, dep habarlaıdy almaty-akshamy.kz
Kásiptik oqytý uzaqtyǵy 3 aıdan aspaıdy.
«Bıyl 26 sáýirdegi óńirlik komısıa otyrysynda bilim berý uıymdarynda kásiptik oqytý boıynsha 18 mamandyq boıynsha 42 jumys berýshiniń tizimi, 687 orynǵa bekitildi. Jumyssyzdardy jumys berýshilerdiń jumys ornynda kásiptik oqytýdy uıymdastyrý úshin 12 mamandyq boıynsha 13 jumys berýshiniń tizimi, 313 orynǵa bekitildi», - dep habarlady Á. Jańabaev.
Kórsetilgen kásiptik oqytý túrleri boıynsha 2023 jylǵa bir adamǵa oqytý quny 50 myń teńge mólsherinde bekitildi.
Kásiptik oqýǵa jiberilgen qatysýshylarmen áleýmettik kelisimshart jasalady jáne 21 787 teńge mólsherinde oqýdyń búkil kezeńi úshin stıpendıamen qamtamasyz etiledi.
Jumyssyzdardy jumys berýshilerdiń jumys ornynda kásibı oqytýǵa keletin bolsaq, munda qatysýshylarmen eńbek sharty jasalady jáne aı saıyn mansap ortalyǵy salyqtardy, mindetti áleýmettik aýdarymdardy, paıdalanylmaǵan eńbek demalysyna ótemaqyny, banktik qyzmetterdi jáne ekologıalyq ústemeaqylar boıynsha tólemderdi esepke almaǵanda 20 AEK (69 000 teńge) mólsherinde jalaqy tóleıdi.
«Jasalǵan áleýmettik kelisimshart jáne eńbek sharty sheńberinde oqýdy sátti aıaqtaǵannan keıin jumys berýshiler jumysqa ornalasýǵa járdemdesedi. Búgingi tańda Mansap ortalyǵyna 400-den astam jumyssyz oqýǵa ótinim qaldyryp, oqýǵa jiberildi. Keleshekte úmitkerlerdiń ótinish jasaýyna qaraı tizim keńeıtiletin bolady jáne kásibı baǵdar berý jumystary júrgiziletin bolady», - dep qorytyndylay spıker.
Barlyq suraqtar boıynsha Dostyq dańǵyly, 85, «Áleýmettik qyzmetter úıi» mekenjaıy, bolmasa, biryńǵaı nómiri 310-47-82 arqyly bilýge bolady. Tolyǵyraq aqparatpen mansap ortalyǵynyń áleýmettik jelilerinde @ctm_almaty tanysýǵa bolady.