«Medısınalyq mekemelerdiń qyzmetinde ortaq bir júıe joq»
Osylaı degen sala mamany Myńjylqy Berdiqojaev Úkimettiń keńeıtilgen otyrysynda Memleket basshysynyń medısına jaıynda aıtqan syny oryndy degen pikir bildirdi, dep habarlaıdy Almaty-akshamy.kz Almaty.tv-ge silteme jasap.
«Medısınalyq qyzmet kórsetý ár platformada júzege asady. Úkimettiń bekitken júıesinen bólek, dárigerler burynnan qolaıly qosymsha ishki servısterdi qoldanýǵa májbúr. Másele - sonyń bárin bir-birine kiriktiretin ortaq júıeniń joqtyǵynda. Bir júıede naýqastarǵa dáriler taǵaıyndaıtyn bolsaq, pasıentti emdeýge qarajat izdeý úshin ekinshi júıege júginýge májbúrmiz» deıdi dáriger Myńjylqy Berdiqojaev.
Al ana men bala ólimine qatysty sala sarapshysy aıy-kúni jetpeı týǵan balany kútip, aıaqqa turǵyzýǵa barlyq perzenthanada jaǵdaı jasalmaǵan dep oı qosty.
«Perzenthanalardyń qarajatpen qamtamasyz etýin jaı ǵana ekonomıkalyq turǵyda qaraıtyn bolsaq, eshkim aýrýhanalarǵa 1 mlrd túgili 100 mln teńge aqsha bólgen joq. Ondaı qarajat bólinbese, qural-saımandar alynbasa, kishkentaı shaqalaq balanyń ómirin qalaı saqtap qalamyz», – dedi «Ortalyq klınıkalyq aýrýhanasy» AQ neırohırýrgıa bóliminiń meńgerýshisi Myńjylqy Berdiqojaev.