Nur Otan partıasynyń ataýy «Amanat» bolyp ózgerýi elimizdiń bolashaqta tynysh ómir súriniń kepili bolmaq. Amanat — sımvoldyq turǵydan qasterli uǵym. Ata-babadan mıras bolǵan el men jerdi saqtaý, órkendetý — árbir azamattyń enshisine berilgen amanat. Sondyqtan da jańarǵan partıaǵa artylǵan senimniń júgi aýyr.
Jańa Qazaqstanǵa, jańa partıamen jol bastasaq, elimiz órkendep, damyǵan memleketterdiń qatarynan kórineri anyq. Partıanyń ataýy ǵana ózgermeı, qataryndaǵy qyzmetkerleri de ózgeredi degen senimdemiz. Partıanyń jańǵyrýǵa baılanysty qabyldaǵan 7 basymdyǵy halyqtyń kókeıinde júrgen oılary edi. Osynaý modernızasıalaýdyń ishinde ózime unaǵany - 1-tarmaǵyndaǵy "Halyqpen baılanys jasaý quraldarynyń tıimdiligin arttyrý" degeni.
Qazirgi ýaqytta elimizdegi eń basty másele - jumyssyzdyq. Osy máseleni túpkilikti sheshe alsaq, eldiń ekonomıkasy turaqtalatyn edi. Bilimniń joǵarǵy satysy - ǵylym demekshi, aldaǵy ýaqyttarda partıa ǵalymdarǵa kóńil bólse degen úmittemiz.
Jańarǵan partıa Prezıdent reformalaryn júzege asyrýdyń basty draıveri bolýǵa tıis. Qazirgi geosaıası ahýal kúrdeli, álemdik áleýmettik-ekonomıkalyq jaǵdaı ýshyǵyp turǵan myna kezeńde partıa da zaman aǵymyna ilesip, ýaqyt synyna jaýap bere alatyn saıası kúsh bolyp qalýy kerek.