Aqıyq aqynǵa arnalǵan fılm kórermenge jol tartady
21 qazannan bastap «Qazaqfılm» túsirgen «Muqaǵalı» kórkem fılmi otandyq kınoteatrlarda jaryqqa shyǵady, dep habarlaıdy Almaty-akshamy.kz.
Fılmniń rejıseri – tanymal qazaqstandyq rejıser Bolat Qalymbetov. Kartınany Mádenıet jáne sport mınıstrliginiń tapsyrysymen Sháken Aımanov atyndaǵy «Qazaqfılm» AQ túsirdi.
Túsirilim jumystary Óskemen qalasynda bastalyp, Sankt-Peterbýrg, Almaty jáne Almaty oblystarynda jalǵasty. Rejıserdiń aıtýynsha, kartına aqyn ómiriniń sońǵy jyldary týraly baıandaıdy.
«Biz fılmde Muqaǵalı Maqataevtyń eseıgen kezimen, Qazaq KSR Jazýshylar odaǵynyń aqynnyń taǵdyryn otyrysta sheshken ýaqytymen tanysamyz», - dedi fılmniń rejıseri Bolat Qalymbetov.
Týyndy senarıiniń avtorlary – Júsipbek Qorǵasbek, Bolat Qalymbetov, Ǵazız Nasyrov. Qoıýshy operatory – Edige Nesipbekov, al qoıýshy sýretshi – Ermek Ótegenov. Kompozıtory – Nıkıta Karev, prodúseri – Almat Masalım.