Qazaqstannyń Eńbek Eri, «Altyn juldyz», «Otan» ordeniniń ıegeri, Qazaqstannyń eńbek sińirgen qaıratkeri Aıagúl Mırazova atyndaǵy «Almaty daryny» İİ qalalyq matematıkalyq olımpıadanyń qorytyndysy №178 mamandandyrylǵan lıseı bazasynda ótti, dep habarlaıdy almaty-akshamy.kz.
Matematıka páni boıynsha oqýshylardyń qyzyǵýshylyǵyn qalyptastyrý, standartty emes oılaýdy damytý, oqýshylardy matematıkalyq uǵymdardy taldaýǵa, synı turǵyda oılaýǵa, kúrdeli esepterdi sheshýge daǵdylandyrý maqsatynda ótken doda tartysty ári qyzyqty boldy. Bul is-shara jas matematıkterge óz qabiletterin kórsetýge jáne matematıka salasynda laıyqty tanylýǵa tamasha múmkindik berdi.
Aıta ketý kerek, olımpıada mektepishilik, aýdandyq, qalalyq úsh kezeńde ótti. Al aýdandyq kezeńine bilim berý mekemeleriniń 8-9 synyptarynan 755 oqýshy qatysyp, eń úzdik nátıjemen 106 oqýshy qalalyq kezeńde qatysty.
Olımpıadanyń qorytyndysy boıynsha 11 oqýshy jeńimpaz ben júldeger atandy. Atap aıtsaq, №90 mamandandyrylǵan mektep-lıseıdiń 8 synyp oqýshysy Lı Igor, №18 gımnazıanyń 9 synyp oqýshysy Gadeeva Dıana İ dárejeli dıplommen marapttalyp, 100 000 teńge aqshalaı sertıfıkaty men planshet tabystaldy. №130 mektep-gımnazıanyń atynan dodaǵa túsken 8 synyp oqýshysy Koshkarov Mansýr, «Bilim-Innovasıa» mamandandyrylǵan lıseı-ınternatynyń 8 synyp oqýshysy Kemelbaı Muhammedmansur, I.V.Panfılov atyndaǵy №54 Qazaqstan-Reseı mamandandyrylǵan mektep-lıseıdiń 9 synyp oqýshysy Godáev Dmıtrıı, Almaty qyzdar mektep-lıseı-ınternatynyń 9 synyp oqýshysy Naǵashbek Nuraılymnyń baǵy shaýyp İİ dárejeli dıplommen, 50 000 teńge aqshalaı sertıfıkat men Iandeks stansıasy tabystaldy. Al úshinshi oryn tuǵyrynan kóringen oqýshylar,a 30 000 teńge jáne qulaqqaptar taystaldy.
Sonymen qatar, 10 oqýshyǵa yntalandyrý syılyǵy retinde kitap dúkenderiniń birine 10 000 teńge kólemindegi sertıfıkat berildi.
