Mınskide Ujymdyq qaýipsizdik týraly shart uıymynyń syrtqy ister mınıstrleri keńesiniń otyrysy ótti, dep habarlaıdy almaty-akshamy.kz «Habar 24» silteme jasap.
Jıynda 3 qujatqa qol qoıyldy. Beıbitshilik medalin taǵaıyndaý, uıymnyń qarjylyq jaǵdaıyn bekitý, kvotalyq laýazymdardy bólý týraly sheshim maquldandy.
Ujymdyq qaýipsizdik týraly shart uıymyna múshe elderdiń syrtqy ister mınıstrleri halyqaralyq jáne óńirlik jaǵdaı boıynsha pikir almasyp, ortaq máselelerdi talqylady. Uıymǵa múshe memleketter arasyndaǵy syrtqy baılanysty damytýǵa qatysty josparlaryn ortaǵa saldy.
Keńeste ǵaryshtaǵy qarý-jaraq básekelestiginiń aldyn alý máselesi talqylandy. Ujymdyq qaýipsizdik keńesiniń kvotalyq laýazymdardy bólý týraly sheshimi de maquldandy. Aýǵanstandaǵy ahýal da nazardan tys qalmady.
- Bıyl 28-29 sáýirde tájik-aýǵan shekarasynda UQSHU jumys toby boldy. Tájik tarapy shekarashylarǵa áskerı tehnıkany jetkizý kólemin ulǵaıtýdy surady. Jumys tobynyń músheleri suratylǵan qarý-jaraq kóleminiń kóp ekenin eskerip, baǵdarlamany odan ári pysyqtaýdy tapsyrǵan. Tájik shekarashylarynyń naqty qajettilikteri týraly aqparat uıymǵa múshe memleketterge talqylaýǵa beriledi. Sizderdiń taraptan usynys kútemiz, - dedi UQSHU bas hatshysy Imanǵalı Tasmaǵambetov.