Qazaqstandyq tanymal bıznesmen, ınvestor, mesenat, qoǵam qaıratkeri, Q4 bıznes tobynyń negizin qalaýshy, “Eren eńbegi úshin”, “Jomart jan” medaldarynyń ıegeri Talǵat Saqannyń «Mıllıon qaryzdan Mıllıard tabysqa: Shyńǵa shyǵýdyń shynaıy oqıǵasy» atty kitaby jaryq kórdi.
Týyndy qarapaıym aýyl balasynyń qaryzdan shyǵyp, mıllıondaǵan dollarlyq kompanıa qurǵanǵa deıingi ómir jolyn baıandaıtyn áserli eńbek. Avtor óz ómirinde oryn alǵan quldyraý men qaıta órleý kezeńderin ashyq jazyp, sol tájirıbeniń negizinde jatqan qundylyqtar, táýekel, tabandylyq jáne jaýapkershilik týraly shynaıy sabaqtarymen bólisedi.
Kitapta oqyrman kásipti bastaý, oılaý júıesin ózgertý, ınvestor tartý, komanda qurý jáne bıznesti masshtabtaý sıaqty mańyzdy taqyryptardy naqty mysaldarmen túsindiredi. Ár bólim - avtordyń jeke tájirıbesi men jyldar boıy jınaǵan bilimderiniń júıeli túrde berilgen qundy jol kartasy.
Bul eńbek - shyńǵa shyǵýdyń ishki jáne syrtqy mehanızmderin túsingisi keletinderge arnalǵan. Óz ómirin qolyna alǵysy keletin, qaryzdan, qorqynyshtan nemese toqyraýdan shyǵýdy kózdeıtin árbir jan úshin bul kitap senimdi jetekshi bola alady.
Atalǵan kitap - avtordyń shynaıy tájirıbesine negizdelgen ishki transformasıa men kásipkerlik oılaýdy damytýǵa arnalǵan praktıkalyq, motıvasıalyq jol kórsetkish.
Anotasıada bul kitap avtordyń qaryzdan shyǵyp, tabysqa jetý jolyna, sondaı-aq qundylyqtar, oılaý júıesi jáne kásipti damytý qaǵıdattaryna arnalǵany kórsetilgen.
Kitaptyń negizgi bólimderinde avtordyń jeke tájirıbesi, qundylyqtar júıesi, oılaýdy ózgertý qaǵıdattary, kásipti bastaý joldary, komanda qurý, ınvestısıa tartý jáne bıznesti masshtabtaý jónindegi praktıkalyq tásilderi baıandalady.
Talǵat Saqannyń óz tájirıbesi boıynsha jazylǵan «Mıllıon qaryzdan Mıllıard tabysqa: Shyńǵa shyǵýdyń shynaıy oqıǵasy» kitaby kásipkerlikke, iskerlikke, bızneske qyzyǵýshylyq tanytqan barsha oqyrmanǵa, jastarǵa, joǵary oqý oryndarynyń stýdentterine arnalǵan.