Memleket basshysy Qasym-Jomart Toqaev Nur Otan partıasynyń tóraǵasy qyzmetinde kóp otyrmaýy múmkin ekenin málimdedi, dep habarlaıdy Almaty-akshamy.kz
«Bul rette men Memleket basshysy retinde ashyq ári adal saıası básekelestiktiń kepili bolamyn. Meniń konstıtýsıalyq mindetim – bıliktiń barlyq tarmaǵynyń kelisip áreket etýin jáne memlekettik organdardyń halyq aldyndaǵy jaýapkershiligin qamtamasyz etý», - degen Prezıdent bul jaıt onyń kez kelgen partıalar men qozǵalystardyń qyzmetinen alshaq bolý kerektigin meńzeıtinin eskertti.
«Sondyqtan biraz ýaqyttan keıin, múmkin, osy jyldyń sońyna qaraı, meniń Nur Otan-ǵa odan ári tóraǵalyq etýimniń oryndylyǵy týraly máselege qaıta oralýymyz múmkin», - dedi Memleket basshysy.