Jetisýlyqtar jylyjaıda jańa ádispen qulpynaı ósire bastady

Jetisýlyqtar jylyjaıda jańa ádispen qulpynaı ósire bastady Sýret: Gov.kz

Olar jeltoqsan aıynan mamyr aıyna deıin ónim alady.


Almaty oblysy Kóksý aýdanynda jıdek ónimderimen aýdan halqyn qamtamasyz etý úshin bıyl alǵash ret 0,25 ga jerge jańa ádispen qulpynaı ósirile bastady. Jylyjaıda ǵylym men tehnıka jetistikterin qoldaný arqyly ońtústik koreıalyq «Solhán» surpy egilgen, dep habarlaıdy Almaty-akshamy.kz Almaty oblysy ákiminiń baspasóz qyzmetine silteme jasap. 


Seriktestik basshysy Svetlana Zýbovıch jylyjaıda kók jýa, gúldiń san alýan túrin ósirýmen qatar bıylǵy jyly  alǵash ret jańa ádispen qulpynaı egýdi bastaǵanyn aıtady. Maýsymdyq jumystar kezinde 10-ǵa jýyq adamdy, turaqty jumyspen 2 adamdy qamtyp otyr. Jylyjaı ornalasqan Balpyq bı aýyly oblys ortalyǵynan alys emes. Sondyqtan tutynýshy tabýda qıyndyq joq. Sebilgen qulpynaıdyń koreıalyq tuqymy qystyq sort. Jeltoqsan aıynan mamyr aıyna deıin ónim beredi. 



«Bıyl alǵashqy ónim bolǵandyqtan, 700 kg qulpynaı alýdy josparlap otyrmyz. Qulpynaı ózge kókónister sekildi kóp jylýdy qajet etpeıdi. Bar bolǵany 5-6 gradýs jylylyqta ósip shyǵady. Al qystyń aıazdarynda 10-15 gradýs jyly bolsa jetkilikti. Qulpynaıdyń úlkeniniń salmaǵy 50-55 gramǵa jetedi. Óńirdegi birden-bir qulpynaı ósiretin jylyjaı bolǵandyqtan, suranys joǵary bolady dep oılap otyrmyz. Aldaǵy ýaqytta ónimdi arttyrýǵa jumys jasaımyz. Degenmen mol ónim alý úshin jylyjaıdyń jylytý júıesin kógildir otynǵa aýystyrý qajet. Qolbaılaý bolyp otyrǵan jalǵyz jaı osy ǵana. Bul máselede Kóksý aýdanynyń ákimdigi qolushyn berýge daıyn ekendikterin aıtty, - dedi seriktestik basshysy Svetlana Zýbovıch. 



Aldaǵy ýaqytta nysanǵa tabıǵı gaz tartylsa, seriktestik jylyjaı aýqymyn keńeıtip, qıar men qyzanaq ósirip, jańa jumys oryndaryn ashýdy josparlap otyr.



«Negizinen aýdanda qulpynaı bıznesi damymaǵan, naryqta kóbinese shetten ákelingen qulpynaı saýdalanady. Aldaǵy ýaqytta jıdek daqyldarynyń, onyń ishinde baqsha qulpynaıynyń assortımentin keńeıtý men ónimdiligin arttyrýdy maqsat etip otyrmyz. Osy jobany júzege asyrý arqyly aýdan halqyn otandyq ónimmen qamtý múmkindigi artady. Joba sátti júzege asatyn bolsa, jańa tehnologıa ózge de eldi mekenderdegi fermerlik sharýashylyqtarǵa engiziletin bolady», - deıdi Kóksý aýdany ákiminiń orynbasary Ulan Dosymbekov.



Sizdiń reaksıańyz?
Unaıdy
0
Unamaıdy
0
Kúlkili
0
Shekten shyqqan
0
Sońǵy jańalyqtar

16:19

16:08

15:08

13:41

13:00

10:56

10:13

09:56

09:24

19:54

18:29

16:55

15:07

14:14

13:34

13:27

12:38

11:20

10:15

09:55

09:05

19:42

19:19

18:33

18:31