İshki týrızmdi damytýǵa baǵyttalǵan áleýmettik jobanyń talaby boıynsha qatysýshylar İle Alataýyndaǵy 15 shyńdy baǵyndyrýy kerek bolatyn. Qatysýǵa nıet bildirgen 2500 adamnyń, 50-den astamy barlyq 15 shyńǵa qıyndyqsyz shyqqan.
«Men baǵyndyrǵan Alataýdyń 15 shyńy» áleýmettik jobasy eki jyl buryn bastalǵan, dep habarlaıdy Almaty-akshamy.kz 24.kz-ke silteme jasap.
Maqsat – ishki týrızmdi damytý, tabıǵattyń keremetin kórsetý, deıdi uıymdastyrýshylar. Alataýdy betke alǵandar burynnan tanymal «Kók jaılaý» men «Fýrmanov» shyńyn baǵdar etedi. Al shyn máninde jańa baǵyttar óte kóp. Uıymdastyrýshylar Álpınızm federasıasy mamandary men kásibı gıdtermen aqyldasyp, Almaty mańynan qoljetimdi 15 shyńdy anyqtap, týrısik aımaqty keńeıtti.
Qajym Jumalıev, "Tabıǵat" respýblıkalyq qaýymdastyǵynyń jetekshisi: - Mundaı keremet nátıje bolady dep ózimiz de kútken joqpyz. Jobaǵa 2500 adam qatysty. Joba talaby boıynsha olar ózderin shyń basynda sýretke túsirip, arnaıy heshtegti belgiledi. Olarǵa ár shyńdy baǵyndyrǵan saıyn, znachok berdi. Nátıjesinde 57 adam 15 shyńǵa shyqty. Áýesqoı álpınıserdi marapattaý saltanynatyna jaqynda ǵana álemniń eń bıik shyńy Everesti baǵyndyrǵan tuńǵysh qazaq qyzy Anar Býrasheva da keldi.
Anar Býrasheva, Everest shyńyn baǵyndyrǵan álpınıs: - Meniń oıymsha, alpınıstik jol, ol óte qıyn. Biraq biz, birinshiden ózimizdiń otanymyzdan bastaý kerekpiz. Sondyqtan ár adam osy 15 shyńdy baǵyndyrǵan, meniń oıymsha naǵyz patrıottar shyǵar. Óıtkeni bul jeńil emes. Keıbireýleri jeńil bolsa keıbireýleri tehnıkalyq óte qıyn, qaýipti. Sondyqtan men óte rızamyn.
Áýesqoı álpınıser baǵyndyrǵan shyńdardyń qatarynda teńiz deńgeıinen 4000 metr bıik taýlar da bar. Barlyq qatysýshylar álpınızm tehnıkasynyń negizderin úıretetin kásibı mamandardyń daıyndyǵynan ótti.