2024 jyldyń birinshi toqsanynda Memlekettik korporasıa óz kúshimen memlekettik qyzmet kórsetý barysynda tirkelgen 1319 buzýshylyqty anyqtady.
Salystyrmaly túrde, ótken jyldyń osy kezeńinde bul kórsetkish 249 buzýshylyqty quraǵan, dep habarlaıdy Almaty-akshamy.kz.
- Memlekettik korporasıa anyqtalǵan faktilerdi quqyq qorǵaý organdaryna berip, nátıjesinde 12 qylmystyq is qozǵaldy.
- «Azamattarǵa arnalǵan úkimettiń» 90 qyzmetkeri tártiptik jaýapkershilikke tartyldy, 2 qyzmetkerdiń laýazymy tómendetildi, 9 qyzmetkermen eńbek sharty buzyldy.
- Buzýshylyqtar HQKO-lar men mamandandyrylǵan HQKO-lar qyzmetinde, jyljymaıtyn múlikti tirkeýde, jer kadastrynda jáne t. b. boıynsha anyqtaldy.
- Bul faktiler boıynsha Almaty qalasy, Almaty, Qostanaı, Shyǵys Qazaqstan oblystarynda sotqa deıingi tergeýler júrgizilýde.
Osy oraıda, Memlekettik korporasıa sybaılas jemqorlyqqa nóldik tózimdilik qaǵıdatyn ustanatynyn atap ótýimiz kerek. Qaýipsizdik qyzmetiniń mamandarymen buzýshylyqtardy ashý boıynsha úlken jumys júrgiziledi. "Azamattarǵa arnalǵan úkimet" quqyq qorǵaý organdarymen ózara tyǵyz baılanysta jáne anyqtalǵan quqyqqa qarsy is-qımyldar týraly barlyq faktiler dereý qarastyrýǵa jiberiledi.
Qazirgi ýaqytta "Azamattarǵa arnalǵan úkimet" pen QR QMA arasynda birlesken Memorandým ázirlenýde. Ol kólik quraldaryn mamandandyrylǵan HQKO-larda zańsyz tirkeýge qarsy kúres júrgizý barysynda taraptardyń yntymaqtastyǵyn nyǵaıtýǵa jáne kúsh-jigerin úılestirýge baǵyttalǵan.
Sonymen qatar, 2023 jyldyń 16 qazanynan bastap sybaılas jemqorlyqtyń quramdas bólikterin azaıtý úshin Memlekettik korporasıa júrgizýshi kýáligin alý úshin tapsyrylatyn emtıhandardyń ótkizý tártibin qatańdatýǵa múmkindik beretin 3.0 JJE júıesin engizgenin eske salamyz.