– Biz Memleket basshysynyń Joldaýda kótergen bastamalaryn qoldaımyz. Sonymen qatar taǵy bir taraptan munyń túbegeıli oryndalyp, jurt ıgiligin kórý jaǵyn da qarastyrǵan abzal. Mine, osy máselede san-saýaldar týyndaıdy. Iaǵnı, mundaı nusqadaǵy saýaldar kóp. Degenmen bizge birlesip, bir oıda bolyp jumys jasaý mańyzdyraq sanalady. Ol úshin árbirimiz rýhanı jigerimizdi janýymyz qajet.
Buryn Keńes Odaǵynyń dáýreni júrip turǵan shaqta qansha keli et, kókónis tutynatyny esepteletin. Biraq eshkim teatr sandarynyń ulǵaıýy jáne mektepterdiń kóbeıýine den qoıa qoımady. Rýhanı álemniń kókjıeginiń keńeıýine mán berilmedi. Eger rýhanıat bolmasa, qalǵan isterdiń bolashaǵy bulyńǵyr bolmaq. Prezıdent birqatar tyń bastamalar usynyp, olardy júzege asyrýdyń naqty qaǵıdattaryn negizdep berdi.
«Biz ashyq básekelestik ornyqqan jáne bárine teń múmkindik beriletin Ádiletti Qazaqstandy quryp jatyrmyz.Aýqymdy saıası ózgeristerdi ashyqtyq, ádildik jáne ózara senim arqyly júzege asyrý asa mańyzdy. Jańa saılaý naýqanynyń merzimderin jáne onyń retin elge ashyq jarıalaý sheshim qabyldaý kezindegi ashyqtyq qaǵıdatyna saı keledi. Osy qadamnyń bári bizdiń «Kúshti Prezıdent – yqpaldy Parlament – esep beretin Úkimet» atty basty formýlamyzdy birtindep naqty mán-mazmunmen baıyta túsedi. Bizdiń búgingi bastamalarymyz Qazaqstannyń bolashaǵyn aıqyndaıdy. Biz kún saıyn eski men jańanyń, toqyraý men damýdyń arasynan tańdaý jasaımyz. Barshańyzdy ult múddesi úshin uıysýǵa shaqyramyn», - dedi Memleket basshysy.
Prezıdent bastamalary der kezinde qabyldanǵan mańyzdy sheshimder dep oılaımyn. Memleket múddesi bárinen bıik.