Bul týraly Mádenıet jáne aqparat mınıstri Aıda Balaeva jazdy.
Memleket jáne qoǵam qaıratkeri, televızıa salasynyń maıtalmany Ǵadilbek Shalahmetov ómirden ótti, dep habarlaıdy Almaty-akshamy.kz
«Memleket jáne qoǵam qaıratkeri, televızıa salasynyń maıtalmany Ǵadilbek Shalahmetovtiń ómirden ótkeni týraly habardy zor kúızelispen qabyldadym. Marqumnyń otbasyna, jaqyndaryna jáne áriptesterine shyn júrekten kóńil aıtamyn. Ǵadilbek Minájulynyń jarqyn beınesi, kásibı sheberligi men BAQ salasyndaǵy jarqyn jetistikteri otandyq jýrnalısıka tarıhynda óshpes iz qaldyrary sózsiz. Marumnyń jatqan jeri jaryq, topyraǵy torqa bolsyn!» – dep jazdy mınıstr óz paraqshasynda.
Ǵadilbek Minájuly BAQ salasyndaǵy eńbek jolyn Almaty telestýdıasynda bastap, Qazaq teledıdary baǵdarlamalarynyń redaktory, bas redaktory, Qazaq SSR Televızıa men radıo habarlary jónindegi Memkomıtetiniń tóraǵasy qyzmetterin atqardy. 1991 jyly Prezıdenttiń baspasóz hatshysy bolyp taǵaıyndalyp, QR Baspasóz jáne buqaralyq aqparat mınıstriniń birinshi orynbasary – Qazaq SSR Televızıa men radıohabarlary jónindegi Memkomıtetiniń tóraǵasy bolyp jemisti eńbek etti. Maıtalman maman memleketaralyq "Mır" teleradıokompanıasynyń negizin qalap, BAQ salasynyń órkendeýine ólsheýsiz úles qosty.