Memleket basshysy Qasym-Jomart Toqaev Túrkıa Prezıdenti Rejep Taııp Erdoǵanmen telefon arqyly sóılesti, dep habarlaıdy almaty-akshamy.kz
Áńgimelesý barysynda prezıdentter ózara senim men qoldaýǵa negizdelgen eki el arasyndaǵy keńeıtilgen strategıalyq seriktestikti odan ári nyǵaıtýǵa nıetti ekenin rastady, delingen Aqorda baspasóz qyzmetiniń habarlamasynda.
Eki el basshylary saýda-ekonomıkalyq, ınvestısıalyq jáne mádenı-gýmanıtarlyq salalardaǵy ekijaqty yntymaqtastyqty tereńdetý perspektıvalaryn talqylady, sondaı-aq halyqaralyq jáne óńirlik kún tártibindegi ózekti máselelerdi qarastyrdy.
Qazaqstan men Túrkıa prezıdentteri bıyl qarasha aıynda Astanada ótetin Túrki memleketteri uıymynyń X samıtine daıyndyq barysy týraly pikir almasty. Qasym-Jomart Toqaevtyń aıtýynsha, bul jıyn túrki elderi arasyndaǵy qarym-qatynasty damytý úshin mańyzdy qadam bolmaq.