Prezıdent balalarmen jáne olardyń ata-analarymen áńgimelesti.
Qazaqstan Prezıdenti Qasym-Jomart Toqaev Ana men bala ulttyq ǵylymı ortalyǵyna bardy, dep habarlaıdy Almaty-akshamy.kz Aqordanyń baspasóz qyzmetine silteme jasap.
Qasym-Jomart Toqaev osy ortalyqtaǵy Smart synyptyń jumysymen tanysty. Em alyp jatqan balalar oqýdan qol úzip qalmaýy úshin «Aqyldy synyp» uıymdastyrylǵan. Munda mektep baǵdarlamasyna sáıkes matematıka, tarıh jáne basqa da pánder oqytylady. Sondaı-aq mýzykanyń jáne ertegilerdiń kómegimen terapıa sabaqtary, túrli shyǵarmashylyq oıyndar men shahmat úıirmesi qarastyrylǵan.
Prezıdent respýblıkanyń ár óńirinen kelip, em alyp jatqan balalarmen jáne olardyń ata-analarymen áńgimelesti. Memleket basshysy jetkinshekterdiń tezirek saýyǵyp ketýine tilektestik bildirdi. Qasym-Jomart Toqaev Balalar jylynyń aıasynda bilim, densaýlyq saqtaý, sport jáne basqa da salalarda jetkinshekterge kóńil bólingenin aıtyp, budan ári de qoldaý sharalary jalǵasatynyn jetkizdi.
Prezıdentke balalar bólimshelerinde 351 bala em alyp jatqany týraly baıandaldy. Bıyl bul jerde 18 myńǵa jýyq bala emdelgen. Keıingi úsh jylda Ana men bala ulttyq ǵylymı ortalyǵyna 30-dan astam jańa medısına tehnologıasy engizilip, mamandary shetelde biliktiligin jetildirgen.
Kezdesý sońynda Prezıdent balalardy Jańa jyl merekesimen quttyqtap, barlyǵyna syılyq úlestirdi.