Almatyda balalarǵa arnalǵan shyrsha toılary ótip jatyr.
Qaladaǵy mamandandyrylǵan balalar úıinde jańajyldyq qoıylym ótti. Búldirshinderdi Almaty ákiminiń orynbasary Ásem Núsipova quttyqtady, dep habarlaıdy Almaty-akshamy.kz Almaty.tv silteme jasap.
Prezıdenttiń tapsyrmasyna sáıkes, balalardy Jańa jylmen quttyqtaýǵa erekshe kóńil bólindi. Bıyl Almatyda dástúrli túrde mektepterde, áleýmettik ortalyqtarda, balalarǵa beıimdeý jáne kómek kórsetý ortalyqtarynda balalarǵa arnalǵan shyrshalar, sondaı-aq HÁOT sanatyndaǵy balalar men múmkindigi shekteýli balalarǵa arnalǵan shyrsha toılar ótkizildi.
Balǵyndardy merekemen quttyqtyqtaýǵa qala ákiminiń orynbasary Ásem Núsipova arnaıy kelip, syılyq tabystady. Áleýmettik mekemede 4 jasqa deıingi 38 bala turady. Olardyń arasynda múmkindigi shekteýli búldirshinder men turmysy nashar otbasynan shyqqandar da bar. Balǵyndarǵa memleket tarapynan qoldaý kórsetilip keledi.
«Bizdiń balalarymyz táýlik boıy osynda bolady. Olarmen tárbıeshiler, dárigerler, logopedter jumys isteıdi. Medısınalyq qyzmet kórsetý men densaýlyǵyn ońaltý jumysy da júrgiziledi», – dedi mamandandyrylǵan balalar úıiniń bas dárigeri Natalá Nemtına.