Memleket basshysy Qasym-Jomart Toqaev Almaty qalasynyń ákimi Darhan Satybaldyny qabyldady, - dep habarlaıdy aqshamnews.kz.
Darhan Satybaldy shahardyń áleýmettik-ekonomıkalyq damý qorytyndylary men aldaǵy josparlary týraly baıandady.
Bıylǵy birinshi jartyjyldyqta qysqamerzimdi ekonomıkalyq ındıkator 11 paıyzǵa ósken. Negizgi kapıtalǵa salynǵan ınvestısıa kólemi 25,4 paıyzǵa artty.
Ákim qalanyń ortalyq bóligine túsetin júktemeni azaıtýǵa, ınfraqurylymdy teńgerimdi bólýge jáne qalada jaıly orta qalyptastyrýǵa baǵyttalǵan polısentrıstik damý barysy jóninde málimet berdi.
Aýdandar arasyndaǵy tıimdi baılanys pen qoǵamdyq kólik qyzmetin jaqsartatyn transport júıesin qurý máselesine erekshe nazar aýdaryldy.
Qasym-Jomart Toqaev Almaty ákimine birqatar tapsyrma berdi:
- shahardyń joǵarǵy bóliginde kóppáterli turǵyn úıler salýǵa jáne aýmaqty taryltatyn qurylys júrgizýge moratorıı engizýdi tapsyrdy. Bul shekteý Bas josparda qarastyrylǵan áleýmettik nysandar men týrısik klaster jobalaryna qatysty emes.
- Bas josparǵa tabıǵı ortany qorǵaýdy kúsheıtýge, qalany júıeli damytýǵa jáne taý bókterindegi qurylystyń aldyn alýǵa arnalǵan ózgeristerdi ýaqyt ozdyrmaı engizý mindetin júktedi.