Prezıdent Qasym-Jomart Toqaev 7 jáne 9 mamyr kúnderi ótetin merekelik is-sharalarǵa qatysady.
Deıturǵanmen, bıyl elimizde 7 mamyr – Otan qorǵaýshylar kúni jáne 9 mamyr – Jeńis kúnine oraı merekelik parad ótpeıdi, dep habarlaıdy Almaty-akshamy.kz
"6 mamyrda elordadaǵy «Qazaqstan» konsert zalynda Prezıdent Qasym-Jomart Toqaevtyń qatysýymen merekelik konsert ótedi. Onda Memleket basshysy ardager áskerı qyzmetshilerdi, qatardaǵy áskerı qyzmetkerlerdi, sondaı-aq, barsha qazaqstandyqtardy merekemen quttyqtaıdy. Sonymen qatar elimizdiń barlyq óńirinde Jeńis kúnine oraı «Qurmet» memorıaldy monýment aldyna gúl shoqtary qoıylyp, qurmet kórsetý josparlanýda", - dedi Qazaqstan Qarýly Kúshteri bas shtaby basshysynyń orynbasary, tárbıe jáne ıdeologıalyq jumys jónindegi departament basshysy, general-maıor Serik Boranbaev.
Onyń aıtýynsha, 7 jáne 9 mamyr kúnderi ótetin is-sharalar óskeleń urpaqty patrıottyq tárbıeleýge, urpaqtar sabaqtastyǵyn qamtamasyz etýge jáne Otan úshin qaza tapqandardyń erligin este saqtap, taǵzym etýge baǵyttalǵan.
"Sondaı-aq, Memleket basshysynyń qatysýymen 9 mamyrda Nur-Sultan qalasyndaǵy «Otan qorǵaýshylar» monýmentine gúl shoǵyn qoıý rásimi ótedi. Atalǵan dástúr elimizdiń barlyq óńirinde uıymdastyrylady", - dedi ol.