Almatyda shahar basshysy Baqytjan Saǵyntaevtyń qatysýymen zardap shekken bıznesti qalypqa keltirý jáne qalanyń odan ári damýy jóninde qalalyq aktıvtiń otyrysy ótkeni kóńilge demeý boldy, júrekterge úlken senim uıalatty.
Prezıdent Qasym-Jomart Toqaev jedel shtab otyrysynda úkimettik komısıaǵa Almaty qalasynyń ákimdigimen birlese otyryp, shahardyń tynys-tirshiligin qalpyna keltirýdi tapsyrǵan bolatyn. Almaty – týǵan qalasy ekenin aıtqan Prezıdent Úkimettiń aldynda qalanyń kelbetin burynǵydan da jaqsartý mindeti turǵanyn málimdegen edi.
Shahar basshysy Baqtyjan Saǵyntaev qasiretti qańtar kúnderinen keıin qala birtindep qalypty ómirge oralyp jatqanyn aıtty. Arnaıy komısıa keltirilgen zalalǵa baǵa berip jatyr eken. Kásipkerlerge birqatar jeńildik beriletinin, keltirilgen shyǵyn óteletinin, tártipsizdikter kezinde jaraqat alǵan qyzmetkerlerge 2 mln. teńgeden bastap, 500 myń teńgege deıin ótemaqy tólenetinin qala basshysynyń óz aýzynan estip, kóńilimiz jaılanyp qaldy. Qalada oqýshylar saraıynyń, balabaqshalar men mektepterdiń sany artyp, bes jyl ishinde mektep-balabaqsha tapshylyǵy joıylady degen málimdemesi de – qýanarlyq jaǵdaı. Qala bıliginiń barlyq bastamalaryn qoldaımyn. Halqymyzdyń turmysyn jaqsara túsetinine, qalamyz gúldene túsetinine kámil senemin.