Qazaqstanda 18 mıllıard teńge alıment tólenbegen.
Qazaqstanda 221 884 adam balalaryna jalpy somasy 18 mıllıard teńgege jýyq alıment tólemegen, dep habarlaıdy Almaty-akshamy.kz
Qazaqstan áleýmettik damý ınstıtýtynyń Otbasy ınstıtýtyn zertteý ortalyǵy alıment boıynsha boryshkerlerdiń jalpy sany 221 884 adamdy quraıtynyn, onyń ishinde kámeletke tolmaǵan balalaryn asyraýǵa alıment tóleýshiler 215 587 adam ekenin málimdedi.
«Onyń ishinde bereshekti anyqtaý týraly qaýly shyǵarylǵan atqarý óndiristeriniń sany 28 814 bolsa, olar boıynsha bereshek 17 mıllıard 455 mıllıon teńge», - delingen habarlamada.
Neke buzylǵan nemese qarym-qatynas úzilgen jaǵdaıda seriktester alıment mólsherin jáne ony tóleý tártibin jasalǵan zańdy kelisimder - neke sharty nemese medıasıa kelisimi aıasynda kelise alatynyn ınstıtýt basa aıtty.
«Eger taraptar kelisimge kelmese, onda zań boıynsha bir balaǵa ata-anasynyń tabysynan nemese ózge tabysynan 25 paıyz nemese tórtten biri, eki balaǵa shamamen 33,3 paıyzy nemese tabysy úshten biri, úsh jáne odan da kóp balaǵa 50 paıyzy tólenedi», - delingen habarlamada.