QR Bilim jáne ǵylym vıse-mınıstri Qýanysh Erǵalıev osylaı aıtty.
«Bıyl biz jalpy bilim beretin mektepterdiń oqý baǵdarlamalaryna ómirlik mańyzy bar daǵdylardy úıretý kýrstaryn engizip jatyrmyz», - dedi vıse-mınıstr, dep habarlaıdy Almaty-akshamy.kz
Zhas Project jobasy memlekettik jastar saıasatynyń qajettilikterin qanaǵattandyryp qana qoımaı, onyń damýyna, jastarmen jumys isteýde jáne tásilder men sharalardyń paıda bolýyna yqpal etti. Qazaqstanda jastar korpýsyn damytý jobasyn Bilim jáne ǵylym mınıstrligi 2016 jyldan beri júzege asyryp keledi.
«Zhas Project memlekettiń keıbir strategıalyq mindetterin sheshý úshin birneshe tapsyrmalardy iske asyrdy. Olar jastardy jáne olardyń volonterlik qyzmetke qatysýyn damytýǵa, qoǵamdastyqtyń ómiri úshin jaýapkershilikke jáne mektepti aıaqtap, mamandyq tańdaý kezinde durys sheshim qabyldaýdy úıretýge baǵyttaldy. Atap aıtqanda, joba barysynda NEET sanatyndaǵy jastarmen jumys jónindegi nusqaýlyqtar, jastardy damytý ındeksi, volonterlik qyzmetti damytý strategıasy, kásiptik baǵdarlaý júıesin damytý jónindegi ádistemelik usynymdar jáne basqa da qujattar ázirlengen bolatyn. Bıyl biz jalpy bilim beretin mektepterdiń oqý baǵdarlamalaryna ómirlik mańyzy bar daǵdylardy úıretý kýrstaryn engizip jatyrmyz. Osy oraıda joba aıasynda ázirlengen daǵdylar baǵdarlamasyn qarastyrýdamyz. Osy jyldar ishinde joba memlekettik jastar saıasatynyń qajettilikterin qanaǵattandyryp qana qoımaı, onyń damýyna, jastarmen jumys isteýde jáne tásilder men sharalardyń paıda bolýyna yqpal etti dep aıta alamyz», - dedi Qýanysh Erǵalıev.