Ákim ekonomıkalyq ındıkatordyń ózgergeni týraly esep berdi.
Qazaqstan Prezıdenti Qasym-Jomart Toqaev Almaty qalasynyń ákimi Erbolat Dosaevty qabyldady, dep habarlaıdy Almaty-akshamy.kz Aqorda saıtyna silteme jasap.
Memleket basshysyna Almaty qalasynyń damýy men bıylǵy qańtar aıyndaǵy qysqa merzimdi ekonomıkalyq ındıkatordyń ózgergeni týraly esep berildi.
Prezıdentke qalany qalpyna keltirý jumystary men zardap shekken kásipkerlerdiń shyǵynyn óteý sharalary týraly baıandaldy. Erbolat Dosaevtyń aıtýynsha, Memleket basshysynyń tapsyrmasyn iske asyrý aıasynda bızneske jedel kómek kórsetý úshin jeńildetilgen tetik boıynsha tólem somasy 10 mıllıon teńgege deıin ulǵaıtylǵan. Al ótinimderdi qaraý merzimi eki esege – 1 aıdan 2 aptaǵa deıin qysqartylǵan. Qala ákimi qazirgi ýaqytta tirkelgen 1413 kásipkerdiń 755-i ótemaqy alǵanyn, 10 naýryzǵa deıin shaǵyn jáne orta bıznes sýbektileri ótinimderiniń 90 paıyzy oryndalatynyn aıtty.
Qasym-Jomart Toqaevqa áleýmettik mańyzy bar azyq-túlik taýarlarynyń baǵasyn turaqtandyrý, halyqtyń áleýmettik osal toptaryn qoldaý tıimdiligin arttyrý sharalary týraly aıtyldy.
Memleket basshysyna qalalyq densaýlyq saqtaý júıesin jańǵyrtý jáne mektepterde oryn tapshylyǵyn azaıtý máseleleri jóninde málimet berildi.
Kezdesý qorytyndysy boıynsha Qasym-Jomart Toqaev qalany qalpyna keltirý jáne bıznes sýbektilerine keltirilgen zalaldy óteý jumystaryn jandandyrýdy, ınjenerlik jelilerdi jańartý jóninde usynystar ázirleýdi, eski jáne apatty jaǵdaıdaǵy turǵyn úılerdi azaıtý úshin baspana qoryn qaıta jóndeýge erekshe nazar aýdarýdy tapsyrdy.