24 sáýirde Almatyda aýa raıynyń kúrt buzylýyna, ekpini kúshti jel men jańbyrǵa baılanysty Ermensaı, Nur Alataý, Taý-Samaly, Qaraǵaıly, Quramys, Aqjar, Baǵanashyl, Asqartaý, Shańyraq-1 jáne Shańyraq-2 shaǵyn aýdandarynda jaryq óship qaldy, dep habarlaıdy almaty-akshamy.kz.
"Alataý Jaryq Kompanıasy" AQ habarlaýynsha, jańbyr men qatty jelden 6-10-0,4 kV taratý jelisinde aqaý paıda bolǵan, sonyń saldarynan almatylyqtar elektr qýatynsyz qaldy.
Sýret: Zakon.kz
"Aýa raıynyń nasharlaýyna jáne ekpini kúshti jelge baılanysty Almaty qalasy Ermensaı yqshamaýdany, Nur Alataý, Taý-Samaly, Qaraǵaıly, Quramys, Aqjar, Baǵanashyl, Asqartaý, Shańyraq-1 jáne Shańyraq-2 shaǵyn aýdandandarynda apatty jaǵdaıda elektr qýaty úzildi", - dep jazdy "Alataý Jaryq Kompanıasy" AQ baspasóz qyzmeti.
Sondaı-aq kompanıa qalany elektrmen jabdyqtaýdy qalpyna keltirý úshin jedel top jumys istep jatqanyn atap ótti. Qaladaǵy jaǵdaı baqylaýda.
Qazirgi ýaqytta 8 (727) 356-99-99 telefon nómiri jumys istep tur, elektr qýatynyń úzilý sebebi týraly barlyq jedel aqparatty bilýge bolady.