Almatynyń Medeý aýdanynda turǵyndardy sapaly aýyz sýmen jáne ortalyq káriz júıesimen qamtamasyz etý máselesi kezeń-kezeńimen sheshilip otyr. Bul týraly Medeý aýdanynyń ákimi Erkebulan Orazalın Almaty qalasynyń Óńirlik komýnıkasıalar qyzmetinde habarlady.
Bul jumys 2023 jyly bastalǵan bolatyn. Sol kezde aýdannyń joǵarǵy bóliginde jer asty sýynyń deńgeıi 2,5 esege tómendep, 150 tekshe metrden 60 tekshe metrge deıin azaıǵan edi. Osyǵan baılanysty uzyndyǵy 73 shaqyrym bolatyn jańa ınjenerlik jeliler salynyp, sonyń 35 myńnan astam turǵyn alǵash ret ortalyqtandyrylǵan sý jáne káriz júıesine qol jetkizdi.
2025 jyly bul baǵyttaǵy jumys jalǵasyp jatyr. Jalpy uzyndyǵy 118 shaqyrym bolatyn jelilerdiń qurylysy «Taýly Qyrat», «Kamensk ústirti», «Kishi stanısa», «Atyraý», «Alataý» jáne «Muztaý» shaǵynaýdandarynda qolǵa alynǵan. Jyl sońyna deıin «Alataý» jáne «Muztaý» shaǵynaýdandaryndaǵy jumys tolyq aıaqtalady, al qalǵany 2026 jyly iske asyrylady. Sonyń nátıjesinde 25 myńnan astam turǵyn aýyz sý men káriz júıesine turaqty qol jetkizedi.
Erkebulan Orazalın ınjenerlik ınfraqurylymdy damytý boıynsha keshendi jumys aýdannyń barlyq bóliginde turǵyndardyń ómir súrý sapasyn arttyrýǵa baǵyttalǵanyn atap ótti.