Búgin qazaqtyń klasık jazýshysy Ábdijámil Nurpeıisovtyń týǵan kúni
QR Parlamenti Senatynyń tóraǵasy Máýlen Áshimbaev qazaq ádebıetiniń klassıgi, Qazaqstannyń Eńbek Eri Ábdijámil Nurpeıisovti týǵan kúnimen quttyqtady, dep habarlaıdy Almaty-akshamy.kz
«Búgin halyq jazýshysy, qazaq ádebıetiniń klassıgi, Qazaqstannyń Eńbek Eri Ábdijámil Nurpeıisovtiń týǵan kúni. Sanaly ǵumyryn jazý-syzýǵa arnaǵan aǵamyz 97 jasqa tolyp otyr. Qalamgerdiń ǵumyr jolyna qarap otyryp, ult tarıhynyń ótken ǵasyrdaǵy tutas taraýlaryn kórýge bolady. Ábekeń bala kúninde tárkileý, asharshylyq sıaqty zobalańdardy basynan ótkerdi. On segizge tolar-tolmas shaǵynda soǵysqa attandy. Osynyń bári keıin jazýshynyń shyǵarmashylyǵyna arqaý boldy. Shyn máninde, sýretkerdiń qalamynan týǵan dúnıeler – qazaq ádebıetiniń altyn qoryna qosylǵan qymbat qazyna. Onyń ishinde «Qan men ter» jáne «Sońǵy paryz» romandarynyń shoqtyǵy bıik. Bul shyǵarmalar qashanda ár býynnyń súıip oqıtyn týyndylary bolyp qala beredi», - dep jazdy Máýlen Áshimbaev Facebook paraqshasynda.