Aıaldamada adamdar bolmaǵan
Arqalyq qalasynda polısıa qyzmetkerleri aıaldamaǵa soǵylǵan kóliktiń júrgizýshisin ustady, dep habarlaıdy Almaty-akshamy.kz.
Polısıa VAZ 2112 avtokóligin tizgindegen 26 jastaǵy júrgizýshi aıaldamaǵa soǵylǵanyn, ony kýálandyrý úshin medısınalyq mekemege jetkizgenin habarlaıdy. Ol mas kúıinde bolǵany da naqtylanady.
"Qazirgi ýaqytta júrgizýshi ýaqytsha ustaý bólmesine qamaldy. QR ÁQBtK-niń 608-baby boıynsha ákimshilik hattama toltyryldy. Atalǵan bap sanksıasy 20 táýlik merzimge qamaýǵa alýdy jáne 7 jyl merzimge avtokólik basqarý quqyǵynan aıyrýdy kózdeıdi", – delingen habarlamada.
Polısıa jol-kólik oqıǵasy kezinde aıaldamada adamdar bolmaǵanyn atap ótti.