YouTube – bul qyzmetterdi nemese belgili bir ónimdi jyljytýdyń eń qoljetimdi, túsinikti, keleshegi jarqyn joldarynyń biri. Kóptegen kompanıalar osyny túsingendikten, ózderiniń YouTube arnalaryn jasaıdy. BJZQ da óz salymshylary, alýshylary jáne qazaqstandyq jınaqtaýshy zeınetaqy júıesine qyzyǵýshylyq tanytqandardyń barlyǵyna da paıdaly ári qajetti nárseni kóp bilýge bolatyn, sonymen qatar olardyń qarjylyq saýattylyǵyn arttyratyn zamanaýı alańdy usyna otyryp, bul úderisten shet qalmady.
Jazylýshylarǵa yńǵaıly bolý úshin barlyq aqparat qazaq jáne orys tilderinde beriledi.
Beınematerıaldar taqyryptyq oınatý tizimderine bólingen: jyldar boıynsha jańalyqtar men túsiniktemeler, BJZQ-nyń beınenusqaýlyqtary, Zeinet. kz/Pensıa.kz baǵdarlamalarynyń shyǵarylymdary, «Zeınetaqy júıesi týraly ekeýara áńgime» aıdary aıasyndaǵy suhbat.
Sonymen, BJZQ-nyń YouTube arnasy jazylýshylarǵa neni usyna alady?
Munda Siz zeınetaqy qyzmetterin paıdalaný boıynsha qadamdyq beıne- nusqaýlyqtardy tamashalap, mysaly, mynadaı suraqtarǵa jaýap ala alasyz:
– Óz zeınetaqy jınaqtarynyń ınvestory bolý úshin ne isteý kerek?
– Zeınetaqy jınaqtaryn merziminen buryn nege jáne qalaı alýǵa bolady?
– Bolashaq zeınetaqyny qalaı esepteýge bolady?
– «Jeke kabınetti» qalaı paıdalanýǵa bolady?
Sondaı-aq, basqa da kóptegen beıne- keńester bar. Olardy zerdeleı otyryp, siz BJZQ-nyń saıtynda nemese uıaly qosymshasyndaǵy kez kelgen fýnksıany op-ońaı meńgeresiz.
Paıdaly aqparatty jeke epızodtarǵa bólinip, jańadan túsirilgen egjeı- tegjeıli sújetterden de alýǵa bolady. Bul paıdalanýshyǵa bir materıaldyń ishinen qajetti suraǵyn nemese talqyǵa salynyp otyrǵan taqyrybyn ońaı tabýǵa múmkindik beredi.
Arnadan BJZQ mamandarynyń da, shaqyrylǵan sarapshylardyń da pikirlerin kórip, tyńdaýǵa bolady. 31-telearnadan kórsetiletin Zeinet.kz/Pensıa.kz baǵdarlamasynyń barlyq shyǵarylymdaryn da osy YouTube arnamyzdan taba alasyz.
Qysqa beınematerıaldardan basqa, suhbat formatynda beriletin kúrdeli saraptamalyq baǵdarlamalardy da baıyptap, baǵasyn berip otyrsańyz bolady. Júrgizýshiler óz qonaqtaryna tosyn da, ótkir suraqtaryn qoıyp, jaýap retinde syndarly kásibı pikir alady. Bul sarapshysymaqtardyń qańqý áńgimeleri men syldyr túsinikterinen túbegeıli erekshelenedi.
Jalpy, munda kóptegen aqparat bar jáne árkim ózine qajetti aqparatty tabady dep úmittenemiz. Bizdiń arnaǵa jazylyńyz, yńǵaıly bolý úshin tómengi jaǵyndaǵy QR kodyn qoldanyp, «laık» basyp, túsinikteme berińiz, surańyz! Biz árdaıym qýana jaýap berip, kómekke kelýge daıynbyz!
P.S. Beınejazbany kórgen kezińizde, aldymen, jarıalaǵan kúnine nazar aýdaryńyz! Óıtkeni, BJZQ aqparatty únemi jańartyp otyrady. Arnaǵa ózekti nusqa ǵana júktelip, eski beınejazbalar joıylmaı, muraǵatta saqtalyp qalady. Sol sebepti, paıdalanýshy 2015 jylǵy beınejazbany kórip, onyń eskirgen aqparat ekenin baıqamaı qalýy ábden yqtımal.
