Abaı atyndaǵy QazUPÝ men Fýdan ýnıversıtetiniń Chjanszán ınstıtýty arasynda kelisimshartqa qol qoıyldy
2021 jylǵy 24 maýsymda Abaı ýnıversıteti men Fýdan Ýnıversıtetiniń Chjanszán ınstıtýty (Shanhaı, QHR) arasynda kelisimshartqa qol qoıý rásimi onlaın formatta ótti.
Yntymaqtastyqtyń maqsaty - energetıkanyń kómirtek beıtaraptylyǵy jáne sıfrlandyrý salasynda zertteýler júrgizý úshin birlesken ınovasıalyq ortalyq qurý, tájirıbe almasý jáne «Bir beldeý, bir jol» jobasy aıasynda joǵary oqý oryndarynyń ǵylymı áleýetin keńeıtý.
Kezdesý beınekonferensıa (ZOOM) formatynda ótti.
Rektor Darhan Bilálov óz sózinde pedagogtardy daıarlaýmen ǵana emes, sondaı-aq túrli zertteý baǵytyndaǵy jas ǵalymdardy daıarlaýmen aınalysatyn Abaı atyndaǵy QazUPÝ týraly aıtyp, eki joǵary oqý orny arasyndaǵy ǵylymı yntymaqtastyqty damytýdyń mańyzdylyǵyn atap ótti.
Profesor Sýn Iaosze (Sun Yaojie) energetıkanyń kómirtek beıtaraptylyǵy jáne sıfrlandyrý boıynsha zertteýlerdiń birlesken josparyn usyndy. Abaı atyndaǵy QazUPÝ ǵylymı-zertteý tobynyń músheleri tanystyrylyp, ǴZTKJ mártebesi yntymaqtastyq josparlaryna taldaý jasaldy.
Birlesken jobaǵa Jaratylystaný-geografıa ınstıtýty men Matematıka, fızıka jáne ınformatıka ınstıtýtynyń ǵalymdary qatysady.